قائمة محظورات اتجاه الاثار

فى الحقيقة انشغل فكرى بالحديث عن هذا الموضوع  وجدته بالغ الأهمية لان  كتير منا كمصريين احفاد الفراعنة نركتب اخطاء اتجاه اثارنا فى اثناء زيارتنا لاى مكان اثرى ومن الاخطاء الشائعة هى

1) لمس الاثر : فلمس الاثر هيأدى بعد مئات السنين الى برى الاثر وتلفه يبقى كده احنا بدل مكنا رايحين مكان اثرى نتفرج ونفخر اننا احفاد هؤلاء العمالقه بقينا بنمح تراثنا على مر السنين

2)الفلاش : الفلاش بيضر بالاثر جدا ومينفعش اننا نستخدمت كاميرات الفلاش فى التصوير عشان منبقاش بناخد صورة لينا نفرح بيها واحنا هنضر بيها المكان وغيرنا مش هيستفاد

3) الا مبالاه : دى يعنى انك تكون فى مكان زى المتحف المصرى مثلا وتشوف بعنيك اى حد يلمس تمثال او يصور والتصوير منوع او يجلس على اثر او او من المحظورات وانك تسيبه وتقول انا مالى ماهو فى امن ماهو كده بيبوز تراثك انت وبيضر بحضارتك سواء كان مصرى او عربى او اجنبى ومش معنى كلامى انك تمشى فاتح صدرك على الناس لا انت اول متشوف اى حد بيرتكب محظورات عليك انك تبلغ الامن الى واقف ومتقولش انك مش هتصلح الكون والكلام التافه ده دى اثار بلد وحضارتك والى انت بتعتز بيها ولازم تغير عليها عشان هيا ملكك وملك كل مصرى

4) انتهاك حرمة المكان الاثرى : يعنى انك تكون فى مقبرة مثلا وتشوه المكان عشان محدش شايفك تحت فى قلب المقبرة تقوم انت تستغل الظروف وتشوه الجدران بالمفاتيح او باى آله حاده او انك تصور وممنوع التصوير اعلم ان ربنا شيفك وانك انت رقيب على نفسك وانك بكده بتضر بلدك واثارك الى المفروض تحافظ عليها مش تأذيها وكمان انك متحترمش المكان الى انت فيه وتزعق وتقول انا مصرى والمفروض ادخل كذا حالا ازاى مدخلش واستنى الجروب الى جوه لما يطلع انا ليا حق الاولويه انا مصرى والكلام التافه ده كل ده المفروض زوقينا منك انت وللحفاظ على السياحه فى مصر وانك تعتذ بلدك وتراثها انك تحترم كلام الامن الى بيقوله ومفهاش حاجه لو انتظرت 5 دقائق لحد اما الفوج يخرج من المقبره عشان انت تدخل مش لازم تحبيك للعملية كده كده هتخش انت من نفسك لازم تكون بتحافظ على سياحه بلدك ومتزعجش حد طيب انا والله العظيم كنت مره فى مركب خوفو ومفيش مكان ان الاجنبى يعد عشان يابس حذاء الرجل وهو داخل انا قمتله واعدته ومش عشان مستنى حاجه منه انما عشان يعتذ بالمصريين ويقول لاصدقائة وعائلتة لما يرجع بلده ان المصريين احترموه واعدوه ووفروله الراحه يقوم وهو جاى تانى بدل مكان بيجى لوحده يجيب حد معاه وهكذا

5) فقد الوعى الاثرى : يعنى انت مصرى وحفيد للفراعنة وليك تراث وليك حضارة المفروض انك تقرى فى الاثار وفى تراثك وتعرفه وتثقف نفسك بنفسك حتى لو دراستك خارج الاثار انت بتتعلم حاجه ليك حاجه من حقك ومكتبات الاسرة فيها كتب للاثار باسعار رمزية جدا جدا

وفى طبعا كتير من الحجات الى لازم ناخد بلنا منها ونعملها عشان ده واجبنا نحو بلدنا واثارنا وتراثنا وبجد كل اما تعلم الصح ومتتعداش حدودك فى اى مكان بما انك مصرى وليك اولوية كل اما هتكون فخور بنفسك انك بتعمل الصح وفى نفس الوقت اتفرجت واستفدت

 

تم تحرير هذه التدوينة باللغة العامية المصرية لكى يفهمها جميع الاعمار والفئات المختلفة فقد علمنا بان ما من شئ اكتسبناه الا وحتما ولا بد من التبليغ به لبث ونشر الوعى الاثرى فى نفوس الجميع وخلق جيل جديد قادرا على اثبات انفسهم بحضارتهم الجديدة فلنترك الان قولنا ماكان ابى ولنبدأ بالقول ها أنا ذاك

أبريل 18, 2011

تعليق واحد

One thought on “قائمة محظورات اتجاه الاثار

  1. اؤيدك استاذ احمد فيما عرضت واتمنى فعلاً أن نحافظ على آثارنا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.

%d مدونون معجبون بهذه: